[画　像]　　[英文-#133]


＃８５（原本８−１０）

　八五　渋谷重長譲状

　譲与

　　　所　孫菊五郎丸

一所　薩摩国入来院内清敷北方同南方

一所　北方内上副田村

一所　市比野村

一所　塔原村

一所　中村

一所　楠本村

一所　倉野村

一所　久住村

一所　柏嶋村

一所　薩摩国薩摩郡内永利名同地頭職

一所　筑前国柏原水田屋敷

一所　筑後国永淵屋敷、同国みなきの屋敷

一所　甲双国西嶋内葦入在家田畠

一所　美作国河絵庄内下森上山大足

一所　相模国渋谷曾司郷ふちこゝろの屋敷立野等之事

右、於所領等者、重長重代相伝所領也、仍孫菊五郎仁相副次弟調渡手継

証文等、限永代所譲与也、於御公事者、任先例可致支配者也、次重長以

後所領事、雖有数輩之兄弟、守其器用、惣領一人仁一所ヲモ不残可譲与

之也、若背此旨、所領ヲ於分与数子之輩者、不可有重長之子孫云〃、如

此定置上者、若万一ニモ所領ヲ雖分譲、任此状之旨、於惣領一人之計、

押テ可知行者也、且為後証、所書載置文之趣也、仍譲状如件、

　　　嘉吉元年二月廿七日　　　　　　　　　弾正少弼重長（花押）